MIRI, 6 Ogos: Dua melaki bini retung ba penusah angus ke nyadi di Kampung Pangkalan 2 Lutong Baru ditu sehari tu tadi.
Ba penusah nya, tudah ke retung iya nya Abdullah Nassa,77, enggau bini iya Jaimah Badar,64.
Komander Operasi, PBT II Henry Jugah madah, Balai Bomba enggau Penyah Penusah (BBP) Lutong dibantu BBP Lopeng dianjung ngesah palan penusah pengudah nerima kangau tasah urung pukul 10.55 pagi.
“Penusah nya ngaul sebuah rumah dua ringkat ke udah angus lengis,” ku iya nengah sebengkah penerang sehari tu tadi.
Ku iya, raban bomba maya datai ngesah sempat nyambung siti salur ai ari sungai ke semak dikena mantu.
“Seduai ke bebadi (tudah melaki bini) dipeda udah retung pukul 12.15 tengah hari ba dalam bilik mandi.
“Tubuh tudah udah diserah ngagai polis pukul 1.15 tengah hari ungkup atur ke patut,” ku iya. -TVS