KUCHING, 29 June: Tiket masuk ngemataka Rainforest World Music Festival (RWMF) 2024 ungkup hari keterubah enggau kedua chukup laku.
Beduduk ari sambut ke enda disadang nya, Menteri Dagang Temuai, Industri Kreatif enggau Seni Pemerindang Sarawak Dato Sri Abdul Karim Rahman Hamzah madah, pengelaku tiket ungkup taun tu udah ngelui ari saran ke udah ditetapka sebedau tu.
“Pengelaku tiket taun tu chukup ngasuh gaga. Aku pan enda nyangka.
“Pengelaku tikit ungkup taun tu udah ngelui ari taun nyin kemari.
“Ungkup hari keterubah enggau kedua, tikit udah abis dijual, nyangka hari ketiga mega deka abis dijual,”ku iya.
Abdul Karim mansutka timbal nya maya dirandau ba Kampung Budaya Sarawak (SCV), kemari.
Ku iya, tu endang kelai ke chukup manah ngagai RWMF taun tu ti ngemataka penatai ari dalam enggau menua luar.
“Sida ke ngulu RWMF taun tu ukai semina orang lokal, mayuh sid anya ari menua luar.
“Mayuh ari Semenanjung Malaysia, Bali, Indonesia, enggau sida ke ngulu Rainforest Youth Summit (RAYS) 2024.
Nya nya ngasuh palan nya lebih rami,” ku terang iya.-TVS