PUTRAJAYA, 27 Jan: Pengawa meri bayar ungkup Bantu Duit Rahmah (STR) Renggat keterubah deka dipasuk berengkah 29 Januari tu.
Menteri Pekara Wang Kedua, Datuk Amir Hamzah Azizan madah, agih belanja taun tu ditikika 26 peratus ngagai RM2.1 bilion, dibanding RM1.67 bilion ba taun 2023.
“Arapka minggu baru kitai deka masukka bayar keterubah taun tu ungkup STR.
“Dipelaba pengudah bayar keterubah tu deka bisi mayuh agi orang rejister enggau nyangka deka niki manggai 9 juta sebedau ujung taun,” ku iya nengah sebengkah aum media khas ke diatur ditu, kemari.
Bayar keterubah tu deka meri pemaik ngagai 8.2 juta iku orang ke berejister minta STR 2024.
STR deka dipasuk ngagai akaun sida tauka diberi chara mata duit nengah Bank Simpanan Nasional (BSN) chara berenggat nitihka kategori siku-siku.
Pengawa tu ku iya endang inisiatif perintah dikena mantu meri pengelantang rama ngagai rayat ke diselinting.-TVS