KUCHING, 16 Sept: Sarawak patut nyikap anak lokal enggau latih pengelandik lebih tumu dalam nyerungkai industri aerosingka miga ti diasaika moden lebih agi dalam sukut teknologi tinggi.
Premier Sarawak, Datuk Patinggi Tan Sri Abang Johari Tun Openg madahka, pekara tu mesti diambi kira berindik ari Sarawak udah dikelala nyadi taba ngelanchar satelit baru di Malaysia ti dipelaba bepalan  di Lundu, Sematan laban semak enggau garis khatulistiwa.
“Nyadi kitai bekerejasama enggau aerosingka miga Malaysia enggau kitai mesti sedia ari sukut pengereja pengawa. Nya kebuah aerosingka miga mungkur semua, kesatu iya nya satelit, kedua semikonduktor enggau dalam nya bisi chip lalu chip tu nyengkaum bionic enggau ketiga komponen ungkup satelit enggau dalam bilun.
“Reti nya tu siti ari industri ti penuh enggau kitai udah nyiri ICATS sereta Swinburne kerejasama dalam bidang baru ‘Bachelor of Aersopace Engineering’ lalu baka utai disebut aku tadi kitai mesti sedia tumu dikena ngelatih anak kitai dalam industri baru ke moden,” ku iya.
Sebedau tu, Abang Johari nyemetak madahka dalam Sarawak nyikap diri nyingkang nuju ngagai industri baru nya, beguna amat rayat Sarawak ngembuan penemu pemun pasal industri aerosingka miga.
Iya madah, Fakulti Aerosingka Miga deka ditumbuhka ba Kolej Universiti ICATS dikena ngemansangka bakat lokal ungkup industri nya.
Dulu ari tu, perintah besai udah milih Sarawak laban penuduk nya bepalan ba tengah garis ekuator.
Pemutus nya, asil ari aum setuju begulai  dalam aum pasal pemansang fizikal Malaysia ti bechairmanka Menteri Besai, Datuk Seri Anwar Ibrahim beberapa  bulan ke udah.-TVS
