KUCHING, 16 Sept: Premier Sarawak Datuk Patinggi Tan Sri Abang Johari Tun Openg nangkan kerejasama global dikena napi isu ubah klimate.
Dunya diatu ku iya, majak tekeruga enggau penambah tikas pengangat gaya hari.
Iya madahka, tikas pengangat global diatu udah manggai 1.46 darjah celcius, lalu pengangat nya lebih tinggi ari taga sebedau jeman industri.
“Ubah klimate enda ulih dijangka agi. Lalu musin monsun mega nadai nitihka chura bala selama,” ku iya.
Iya bejaku munyi nya rambau Pengerami Nutup Festival Budaya China Nasional Ke-39 ditu, malam tadi.
Tandu iya, Sarawak diatu benung nyapai pemansang dalam pengawa nguna kuasa gadung sereta ubah ngagai perengka pengangkut mensia mayuh ti bepelasarka hidrogen dikena ngurangka pemansut karbon.
’Nyadi, tu teknologi. Tu nyadi puncha kuasa kitai, nya alai kitai ngalih ngagai kuasa gadung,”ku terang iya.
Iya mega ngemeratka sentang pemesai guna inklusiviti enggau kerejasama antarabansa ke pemaik genap komuniti.-TVS
