BETONG, 15 Sept: Agih belanja sepenyampau RM2 juta deka disedia dikena ngemanah Tebing Tandang Sari, Pusa ditu.
Sapit Menteri Besai, Dato Sri Fadillah Yusof madah, penyampau nya deka dipasukka dalam rintai agih belanja taun baru dibaruh turu Sapit Menteri Besai.
“Nyadi nya ti deka dibantai tang nganti lebih agi perambu sida silik engga aku deka nganjung ngagai ICU ngambika dikemendarka perintah…naka tu sechara prinsip iya nya RM2 juta,” ku iya.
Iya mansutka pekara nya pengudah bejadika pengawa Nangguhka Regata Tandang Sari 2024 di Betong, sehari tu tadi.
Taja pia, Fadillah madah, penyampau ke amat agih belanja ungkup proses ngemanah tebing nya deka ditentuka pengudah raban sida bulih penerang silik nyengkaum kos tumu projek enggau konsep tempa tukuh projek nya.
Ku iya, semua penerang nya beguna ngambika ulih dianjung ngagai Unit Penyeraris Pengatur Pengawa (ICU) ngambika diperunding silik.-TVS
