SPAOH, 15 Sept: Penyerakup ti tegap entara rayat pupu bansa nyadi kunchi besai dikena ngemujurka pemansang ti meruan lebih agi baka menua Betong.
Sapit Premier Sarawak Datuk Amar Douglas Uggah Embas madahka penyerakup ti tegap entara rayat ngujungka pemansang muntang dikmujur baka ke udah dilanggur perintah.
“Aku ngarapka kitai deka neruska pengawa tu dikena ngeransing penyerakup rayat ba kandang menua kitai di Betong laban enggau chara nya meh kitai ulih neruska pemansang baka ti dikemeratka Yang Berhormat Premier Sarawak.
“Kitai sama nemu manggai taun 2030 ila, Sarawak deka nyapai status siti wilayah ti ngembuan ekonomi ti maju ke bisi potensial ngambika ulih ngintu rayat enggau lebih manah,” ku iya maya bejaku ba sebengkah program ke diatu ditu, kemari.
Ku iya madah, Spaoh nyadi siti ari pelilih ba bagi menua Betong ti enda tinggal ari arus pemansang kenyau ari menua udah merdeka.
Tandu iya, pekara nya asil ari kerejasama rat entara komuniti lokal di Spaoh ti seruran begulai nyukung juluk enggau polisi Perintah Madani.
Iya nyemetak madahka , rayat mesti beserakup ngetanka pengelantang ungkup pengidup ti lebih meruan dudi.-TVS
Sama bisi datai Kaban Parlimen Betong Dr Richard Rapu, Residen Betong Richard Michael Abu Nawas, Direktor Opis Pemadah Sarawak, Helmy Hamid enggau ke bukai.-TVS
