SARIKEI, 8 Sept: Pesta Pulau Bruit deka diatur baru berengkah 13 nyentuk 15 September tu, pengudah ke mujur diatur keterubah iya ba taun nyin kemari.
Kaban Parlimen Tanjong Manis, Yusuf Abd Wahab madahka pengerami serak tu nyadi pantar ti beguna bendar dikena ngelakuka rama enggau budaya komuniti Pulau Bruit ti chukup dikelala enggau pengawa berikan sereta betanam betupi.
Nangkan ke nya, pengerami tu mega deka diatur ba Palan Pemansang Genturung Pendiau (RGC) di Kampung Semop seraya pengawa bejadika pengawa nya deka diatur kena 14 September tu.
“Kebendar iya, berengkah tumu agi ari 1 September, pengawa ngaul KMKK ba pulau nya bisi 12 buah rumah panjai enggau sebuah rumah panjai ba kandang menua pulau nya udah tauka diatu benung ngatur beberapa bengkah lumba enggau main.
“Tu ngaul main bol, futsal, netbol, takraw enggau ke bukai, udah diperambu deka diatur ba kampung, berengkah ari satu September nyentuk ke 12 september tu,” ku iya.
Iya madah munyi nya beserimbai Pengerami Bejadika Komiti Kawasan Rukun Tetangga (KRT) Gerai, Lumba enggau Penyerakup Pelilih Sarikei, pagi tadi.
Yusuf nyemetak madah, kelimpah ari lumba enggau main, pengerami nya mega deka dipandangka enggau bemacham pengawa pemerindang nyengkaum panggau pemerindang bekaul ruang bilik.
Tambah mega ku iya, mensia mayuh mega bepeluang meda pengawa eksibisyen pemansang ke diatur ejensi perintah.-TVS
