KUCHING, 8 Sept: Perintah Sarawak deka bebendar agi ngelakuka pengawa nikika menira Ibu Pertiwi ba Dataran Ibu Pertiwi ba sepiak Kompleks Kunsil Nengeri (DUN) Sarawak di Petra Jaya dalam juluk matak penatai temuai lebih agi ari menua luar.
Sapit Premier Sarawak, Datuk Amar Douglas Uggah Embas madahka, Dewan Bandaraya Kuching Utara (DBKU) ngambi singkang bejalaika atur strategik promosyen tumu dikena ngerembaika achara nya ti diatur kena Hari Minggu keterubah ninting bulan.
“Endang udah digaga baka sapa ti deka datai, kitai madah sebulan ari diatu aku pechaya sida deka ngaga chara tebuka.
“Aku ngasaika temuai deka nemu laban kita ulih meda ari sukut di kuching datai kitu ti ukai nyadi isu,” ku iya.
Iya mansutka jaku nya rambau Pengerami Nikika Menira Ibu Pertiwi Edisi Bulan September ditu, pagi tadi.
Upachara nya ti diatur kenyau bulan Julai nyin kemari dirichahka agi enggau mayuh macham achara ti manah nyengkaum pengawa pemerindang pancaragam.
DBKU sebedau tu madahka ,pengawa nya diatur betuju dikena nentuka pengawa nukar enggau ngitauka menira Ibu Pertiwi dipejalai ba gaya ti manah enggau beradat.-TVS