LIMBANG, 1 September: Projek ngaga Klinik Long Napir ti dirandaka peranak Penan enggau Kelabit ba menua pesisir Limbang dijangka berengkah digaga raban peribit nengah Program Tanggungpengawa Rama Korporat (CSR).
Nerang pekara nya, Kaban Parlimen Limbang , Datuk Hasbi Habibollah madahka, Klinik Pengerai Long Napir iya nya pekara guna besai peranak lebih agi di menua pesisir pelilih nya ti napi penanggul suntuk perengkaguna pemun engagu perengkaguna pengerai ke bukai.
Iya ke mega Sapit Menteri Pengangkut Nerangka Program CSR ari Ejensi Korporat enggau Opis Peribit endang beguna baka ti udah dipejalaika ba Klinik Pengerai Baram enggau Marudi.
“Pasal Klinik Long Napir aku dipadahka endang bisi ejensi engka peribit mantu nyadi CSR mih baka ni digaga ba Baram.
“Aku pan udah nganjung peminta enggau minta Sapit Menteri Pengerai sebedau tu pasal pekara tu nyema nama ti digaga ba sitak marudi nya ulih digaga ba Limbang dikena nembuka Long Napir,” ku iya.
Hasbi mansutka jaku nya rambau ngabas Program Ejensi Nasional Malaysia Pengerai Limbang 2024 di Diwan Suarah Limbang kemari.
Projek tu dirandaka rayat menua pesisir nya dikemendarka dalam Langgur Pemansang Malaysia Lumpar ke Sepuluh (RMK-10) ba bagi menua Limbang enggau kos lebih RM3 juta ba baruh Opis Menteri Pengerai Malaysia.
Ku Hasbi nengah penyereta Raban Peribit enggau Ejensi Korporat dalam bejalaika mayuh agi Program CSR nya, klinik pengerai di serata nengeri deka ulih diangkat manah ari sukut fasiliti sereta perengkaguna servis.-TVS
