KUCHING, 26 Ogos: Tuai Pemegai Menua (TYT) Nengeri Sarawak, Tun Pehin Sri Dr Wan Junaidi Tuanku Jaafar deka Affin Bank Berhad ngerembaika servis sereta rentayan bank sida ke serata Sarawak.
Presiden Enggau Tuai Pegawai Eksekutif Gerup Affin Bank, Datuk Wan Razly Abdullah madahka, Tun Wan Junaidi mega ngelalau raban iya terus meri sukung ngagai Pedagang Mit enggau Jelan Pemesai (PKS) di wilayah tu.
“Kami madahka ngagai Tun pasal pelin ngerembaika Affin, kami nambah penyampau lapan pampang di serata Sarawak, nyengkaum enam di Kuching.
“Tu ngujungka penyampau semua pampang (bank) di Sarawak bisi 14 iya nya di Bintulu enggau Miri,” ku iya.
Iya bejaku munyi nya ngagai pemberita pengudah nemuai meri basa ngagai Tun Wan Junadi ba Astana Nengeri Sarawak, sehari tu tadi.
Sama bisi datai ngulu Toh Puan Fauziah Mohd Sanusi, Chairman Affin Bank Berhad, Dato Agil Natt enggau Pengari Perbendaharaan Affin, Nazatusyima Bujang.
Ku iya, kelimpah nambah pampang, raban sida deka nyendiaka servis bank nengah palan pekara wang mindah kin kitu.
Raban sida mega deka ngangauka Tun Wan Junaidi datai ngabas indu opis Affin ba TRX Exchange, Kuala Lumpur kena bulan baru.-TVS
