KUCHING, 24 Ogos: Sarawak mujur ngempu gelar champion penuh ba pekit Lumba Malaysia ke-21.
Pengelama 30 taun deka nyapai gelar champion penuh ba SUKMA diatu juluk nya udah tejapai pengudah kontinjen Sarawak bulih 76 midul emas enggau penyampau semua midul, bisi 200 iti.
Kontinjen Sarawak mujur ngumpul 76 midul emas, 54 midul pirak enggau 70 midul engkeraju.
Emas ke-76 mujur diulih nengah atlit gimnastik, Cassandra Lavigne anak Shelden ba achara senam lantai indu.
Udah nya ba penuduk lumur dua SUKMA ke-21 dipenggi Wilayah Persekutuan ti ngumpul 75 midul emas, 66 midul pirak enggau 72 midul engkeraju ungkup penyampau semua midul 213 iti .
Tuai rumah SUKMA edisyen ke-22 Selangor ba penuduk lumur tiga ti udah ngumpul 56 midul emas, 64 midul pirak enggau 58 midul engkeraju enggau semua penyampau midul, 178 midul.
Ba SUKMA serak tu ngayanka semua ,15 kontijen nengeri enggau menua Brunei Darussalam mujur bulih midul abis nadai dua midul emas.-TVS
