PUTRAYAJAYA, 17 Ogos: Menteri Besai Datuk Seri Anwar madah atur nyerariska gaji orang gawa perintah kebendar genera ngagai sektor peribit ngambika berundingka nasip raban pengereja pengawa sida nengah chara beratika baru skim nikika gawa nyadi lebih berurun.
”Aku ngarapka sektor peribit beratika baru tating belanja ke ditapi rayat, tating raban pengereja pengawa sida ulih dikurangka agi nengah pemisi skim niki gaji ke lebih berurun, lebih agi serikat-serikat ke ngerikod untung besai lalu nadai kebuah gaji sida agi kurang ari RM2,000,” ku iya.
Iya mansutka penemu nya ngagai raban media pengudah Mantaika Pesan Perdana Ungkup Raban Pengereja Pengawa Perintah (MAPPA) ke-19 berambaika jaku ‘Perkhidmatan Awam MADANI’, ditu, kemari.
Ku tandu Anwar, atur nikika gaji minimum lebih RM2,000 nya endang dikena meri basa ngagai raban pengereja pengawa perintah tang rikod kereja mesti dikemanah agi nengah reformasyen servis perintah.
”Atur nikika gaji dikena meri basa ngagai servis sida tang rikod kereja patut ditunjukka manah agi nengah reformasyen servis gawa perintah ke chukup radikal enggau shift nya chukup besai. Pasal tanggungpengawa sida enggau atur rikod pengawa ukai nitih ‘time bases’ aja,” ku iya.-TVS
