ABUJA, 9 Ogos: Urung 20 bebadi nyawa pengudah sebuah bot kayu meletup ba kandang tasik Bayelsa, selatan Nigeria, ku ripot polis Hari Empat.
Bot ke ngundan 64 penumpang enggau kru nya diripotka angus maya benung belayar ba kandang tasik luar mengeri Ezetu 1 Hari Tiga, ku pengari polis di Bayelsa, Musa Mohammed.
Mohammed madah, naka tu 20 bangkai udah ditemu maya operasyen ngesah dipejalaika Hari Tiga, ku ripot berita Xinhua.
Bot ke mega ngundan asil kebun raban komuniti luar mengeri Ezetu 1, diripotka dalam pejalai nuju pasar lokal ba Yenagoa, Bayelsa.
Pansik bekaul puncha insiden nya agi dipejalaika.-TVS