KAPIT, 4 Ogos: Teknologi pemintar artifisyel (AI) ulih ngubah landskap pengidup enggau chara gawa mensia nyadi lebih mudah sereta efisyen, ku Datuk Wilson Ugak Kumbong.
Sapit Menteri Digital nya madahka, pengawa nguna AI dalam bidang perubat ukai semina mai ngagai mayuh pengelebih tang ulih mansik data enggau jampat sereta diganosis lebih engkeman.
“Enti kitai meratika bida ari aspek nyaga pengerai kitai ba sepital, diatu AI udah nyadi revolusyen perubat ti jampat dalam nyidi penyakit,” ku iya.
Iya mansutka jaku nya pengudah bejadika Program ‘Jelajah Komuniti Digital’ ba SMK Kapit kemari.
Kelimpah ari nya, ku Ugak, ngemeranka guna AI ulih mantu ngangkatka pengelandik pengereja pengawa dalam sektor kereja.
“Diatu AI ulih nulung orang ke kerja (offshore) ni pengawa ke enda ulih dikereja manusia.
“Kitai ulih nguna teknologi ke baru ngasuh robotik ensuruk pengawa ke enda tentu ulih kitai mensia ngadu,” ku iya.-TVS