186 pinchin polis kontinjen Sarawak nerima Pingat Jasa Pahlawan Negara

ByTVS

KUCHING, 30 Julai: 186 iku pinchin polis nerima Anugerah Pingat Jasa Pahlawan Negara (PJPN) Siri Tiga Taun 2024, sehari tu tadi.

Pengawa nyuaka pingat tu dipejadika Komisioner Polis Sarawak Dato Mancha Ata ba siti pengerami meri pingat ba Diwan Pahlawan, Indu Opis Briged PGA Batu Kawa.

Pengawa meri anugerah PJPN Siri Tiga 2024 tu iya nya dikena meri basa khas ngagai raban Polis Diraja Malaysia (PDRM) ketegal jasa enggau pengeransing sida ti udah berambun nyawa ngetanka menua maya jeman dunya agi dikachau regau sereta insurgensi urung taun 1948 nyentuk 1990.

Sebedau tu, pengerami meri anugerah pingat Siri Satu enggau Siri Dua 2024 udah diatur ba bulan Mac, ti ngaul 374 iku pinchin polis.

Sama bisi datai ba pengerami tu iya nya Sapit Komisioner Polis Sarawak Datuk Ibrahim Darus.-TVS

Tags: pdrm, Pingat Jasa Pahlawan Negara, PJPN

TVS provides up-to-date news, captivating dramas, and diverse program which are disseminated via channel 122 MYTV, UnifiTV and ASTRO. Stream live via MYTV Mana-Mana, UnifiTV and ASTRO GO apps now.

Instagram: @tvsarawak, @TVS_Entertainment

Telegram: @tvsarawak

TikTok: @tvsarawak, @tvs_entertainment

X: @tvsarawak

YouTube: @tvsarawak, @TVSEntertainment

WhatsApp: TVS