KUALA LUMPUR, 19 Julai: Bisi 34,346 nembiak diploma ke deka nampung pelajar ngagai Palan Pelajar Tinggi Perintah (IPTA) enggau Politeknik ungkup sesi Julai tu deka disediaka Wang Panjar Pinjau (WPP) penyampau RM1,500 siku ngaul turu penyampau RM51.5 juta ari Gerempung Turu Pelajar Tinggi Nasional (PTPTN).
Chairperson PTPTN Datuk Norliza Abdul Rahim madahka inisiatif nya dikena mantu ngelempungka tating belanja apai indai enggau nembiak ke bisi dikangau masuk palan pelajar tinggi.
Ku iya madah, ptptn pechaya enda semua orang ti deka nganjung anak-anak sida ke ipt begunaka belanja ke tinggi.
Nya alai, ku iya bala nembiak ulih meresa status WPP tu nengah aplikasyen myPTPTN enggau nyendiaka turu dulu nya di Kaunter Bank Islam Malaysia Berhad di selampur menua berengkah sehari tu enggau mai surat penama ke IPTA sereta myKAD.
Norliza madahka baa pengari enda dikemendarka tauka ngambi WPP nya lalu timpuh sah inisiatif nya semina dua bulan berengkah sehari tu nyentuk ke 17 september 2024.
Tetiap nembiak ulih ngaga peminta minjau PTPTNÂ sechara dalam tali arus nengah aplikasyen myptptn nitihka hari bulan peminta ke ditetapka bagi tetiap IPTAÂ enggau Politeknik dikena nentuka pengawa minjau nya ulih diproses sereta dikemendarka.
Nembiak ke deka nginjau wang PTPTNÂ mesti ngembuan Akaun Skim Simpanan Pendidikan Nasional (simpan SSPN) ke ulih dibuka nengah aplikasyen myPTPTN.
WPPÂ diberi ngagai nembiak perayat Malaysia ke setuju nerima bantu nya lebuh ngaga peminta tama ngagai IPTAÂ enggau Politeknik nengah UPU online tauka portal penama ke IPTA.
Kelimpah ari nya, tu mega bepelasarka apai indai enggau penyaga nembiak ke nerima Sumbangan Tunai Rahmah (STR) sereta ulih nangkup kriteria  ke ditetapka.
Kenyau WPP ditumbuhka kena 1999 nyentu ke 30 June ke udah, bisi 980,107 nembiak udah nerima pemaik nya enggau turu penyampau rm1.45 bilion.
Mensia mayuh ulih meda penerenag silik pasal WPPÂ PTPTNÂ tauka pinjau PTPTNÂ nengah aplikasyen myPTPTN.-TVS
