KUCHING, 17 Julai: Gerempung Muay Thai Nengeri Sarawak (PMNS) nyaran deka ngetanka abis nadai dua midul emas ti kala diulih ba edisyen sebedau tu dalam lumba malaysia (SUKMA).
Presiden PMNS, Jumaat Ibrahim madahka, raban iya deka naka ulih meri servis pemadu manah dikena ngemegahka nama Sarawak ti nyadi tuai rumah ba edisyen SUKMA 2024.
“Kitai naka ulih ngetanka status kitai ke alai ba SUKM suba, kitai bulih dua midul emas kelimpah bulih midul pirak enggau engkeranju.
“Ketegal pengawa 15 taun ke udah, semua meri asil enggau dipeda nyata, kitai mega udah dipadah anak-anak Muay Thai Sarawak seruran nempa nama ukai semina ba renggat nengeri tang mega nyadi pengari Malaysia ba renggat antarabansa.
“Kitai ngetanka status kitai, enti ulih lebih, Ngarap enti ulih enda kurang,” ku iya.
Nangkan ke nya, lebuh ditanya pasal penyikap PMNS ba SUKMA Sarawak bulan Ogos tu, Jumaat madah, raban iya seruran negapka penyikap atlit Muay Thai nengah chara nganjung petinju iya ngulihka latih ukai semina dalam nengeri tang mega di menua luar.
“Enggau andal ati, pengeludas latih ari dalam enggau luar menua tu ila, sida (petinju) deka lebih tegap enggau nengkira diri ngetanka nama Sarawak.
“Kelimpah ari nya, juluk nya mai tuju dikena ngangkatka nama lumba Muay Thai ngambika kitai ulih nyapai status nengeri lumba tu bekuasa (Sport Power House) dalam Malaysia,” ku tandu iya.-TVS
