KUCHING, 27 June: Premier Sarawak Datuk Patinggi Tan Sri Abang Johari Tun Openg madah Sarawak Microelectronics Design (SMD) udah diberi tanah pemesai empat ikar di Zon Industri Bibas Samajaya.
Ku iya madah, atur nya betuju dikena ngerembaika agi operasyen semikonduktor SMD seraya napi pemansang teknologi mungkus chip ke lebih maju ungkup chip semikonduktor beprestasi tinggi.
”Atur tu ngambika SMD ulih bekerejasama enggau pemeranak puku peribit enggau kaban kunsi, meransang pemansang dalam makit ke majak mansang baka Pemintar Artifisyel (AI) enggau sektor automotif.
“Teknologi mungkus chip ke mansang tu deka muka peluang Pansik enggau Pemansang (R&D) baru baka turai tukuh sistem, chiplet enggau turai turuh mungkus ke deka nyendiaka peluang gawa bekualiti tinggi ngagai industri lokal,”ku iya.
Iya bejaku munyi nya rambau bejaku ba pengawa bejadika Palan Turai Tukuh Chip SMD enggau Akademi SMD di HSL Tower, kemari.
Ku tandu Abang Johari, tu endang beguna bendar dalam numbuhka tim ti ngempuru siku-siku orang ti landik.
Kitai mesti ngulihka enggau ngemansangka injinir turai tukuh IC ke landik, inovatif enggau dedikasyen ti ulih nentuka produk ke dikemansangka kitai nitihka standard kualiti enggau fungsyen ke tinggi,”ku iya.
Nangkan ke nya, Abang Johari madahka I-CATS enggau SMD benung bekerejasama dikena numbuhka modul aeroangkasa dalam kurikulum I-CATS.
“Inisiatif tu nyadi sebagi atur maju ke beguna bendar dalam nambahka pelajar enggau nyikap nyikap nembiak dalam industri aeroangkas beteknologi tinggi,” ku iya.
