KUCHING, 25 June: Premier Sarawak Datuk Patinggi Tan Sri Abang Johari Tun Openg meri kelai Speaker Diwan Negara ke baru endang tentu ari Sarawak.
Taja pia, iya enggai madah sebarang nama, lalu pekara nya deka dipadahka Menteri Besai Empu, Datuk Seri Anwar Ibrahim.
“Kitai nganti Menteri Besai madahka pekara nya. Aku pan benung nganti. Udah tentu anak Sarawak,” ku iya meri kelai pasal sapa Speaker Diwan Negara ke baru kemari.
Sebedau tu, penuduk Speaker Diwan Negara puang beduduk ari pemidang niang Datuk Mutang Tagal kena 10 Mei tu tadi.
Mutang, 70 iya nya bansa Dayak keterubah ari komuniti Orang Ulu dichiri mangku pengawa nyadi Speaker Diwan Negara kelimpah kala mangku pengawa nyadi Kaban Parlimen Bukit Mas ari taun 1982 nyentuk 1990.-TVS
