KUCHING, 22 June: Sarawak ngembuan juluk ngadaka sebuah komuniti ke ukai semina bisi penemu tang mega ulih ngetanka budaya.
Premier Sarawak, Datuk Patinggi Tan Sri Abang Johari Tun Openg madah, juluk nya ulih dipeda nengah polisi pelajar sarawak ke numpu ngagai pemansang ekonomi enggau pemanah ulah.
“Ba aku kitai deka anak (Sarawak), komuniti bisi penemu enggau kedua bisi budaya. Komuniti bisi budaya.
“Enti teknologi aja, nadai budaya komuniti nyadi enda pan enda ulih. Nadai seimbang.
“Nya alai, aku ngasai polisi Pelajar kitai (Sarawak) siti ari nya numpu ngagai pemansang ekonomi enggau kedua nya pemansang pemanah ulah.
“Kitai enggai orang biak enda ngasi ngagai orang tuai, kitai deka anak nya ngasika pengajar. Enda ngelala orang sepiak (rumah),”ku iya.
Abang Johari madah munyi nya maya Pengerami Anugerah Pelajar Sarawak 2024 di Diwan Besai CIDB Kuching, sehari tu tadi.
Lebuh nerang silik Premier madah, Sarawak patut beterima kasih laban agi ngembuan komuniti ke bisi budaya sereta sama bebasaka pangan diri nadai ngira ari ni penatai enggau pengarap.
“Di United States…enggai meda perintah kitai enda berurun ba budaya dalam komuniti,” ku iya. -TVS
