SARATOK, 22 June: Kaban Kunsil Nengeri (ADUN) Friday Belik madah, sepenyampau RM150, 000 diagih dikena nyeruri sereta ngemanah baru sistem tali karan di Rumah Panjai Ram Juta, Blaong Awik ditu.
Ku iya, projek ngemanah tali karan nya beguna amat berindik ari tali karan nya udah kelalu lama lalu patut ditukar baru ke pengelikun pengani rumah panjai.
“Kena ngaduka tali karan ba rumah panjai tu, ila raban Opis Kereja Raya (JKR) madah baru enti iya bisi lebih.
“Enti iya enda chukup ila JKR madah aku meri RM150, 000 nengah RTP.
“Nyema bisi laluh ulih dikena kita ngadu utai bukai.
“Udah tu, sida JKR deka diasuh meresa dulu sebedau ngaduka pengawa ke patut,” ku iya.
Friday madah munyi nya rambau Pengerami Numbuhka Komiti PDP Pampang Awik di Rumah Panjai Ram Juta Jingan, Blaong Awik Saratok, kemari.
Ku tandu iya, peminta ari Tuai Rumah Blaong Awik deka minta nukar semua atap rumah panjai nya deka diberi perati udah tu.
Ungkup rikod, Rumah Panjai Ram Juta di Blaong Awik sepanjai 15 pintu udah lama napi penanggul sistem tali karan ke jai kelimpah begian atap rumah panjai nya patut ditukar pengudah dirika kenyau 15 taun ke udah.-TVS
