SARATOK, 29 Mac: Pengawa rejister masuk Pekit Krian Mountain Bike Eco Jamboree 2024 Renggat Kedua udah dibuka.
Sapit Chairman Krian Fest Nature Challenge (KFNC) 2024 Hatta Adenan madah barang sapa ti deka masuk pekit lumba ensikal tu ulih betelefon terus nuju kaban komiti ke udah dichiri.
“Kitai deka madah pengawa rejister masuk pekit lumba ensikal Krian MTB Eco Jamboree 2024 udah dibuka.
“Kita ulih betelefon terus nuju lumur 013-5512983 Encik Zul enggau Encik Ihsan ngambika ulih nemu pasal atur ngerejister diri,” ku iya.
Iya madah munyi nya lebuh dipinta meri timbal pasal Pekit Lumba Ensikal Krian Mountain Bike Eco Jamboree 2024 Renggat Kedua, empai lama.
Nangkan ke nya iya madah haribulan kepenudi endur ngerejister diri masuk pekit tu iya nya kena 20 June diatur ba Rumah Panjai Jaga Nanga Gerenjang, Krian.
Perais penuh nganti bala pemenang iya nya RM19,430 mungkur bemacham enam kategori baka Kategori Tebuka Lelaki, Master (A) khas ungkup pengayuh beumur 40 nyentuk 49 taun, kategori Master (B) ungkup pengayur beumur 50 taun ke atas sereta kategoru Junior ungkup pemekit 18 taun ke baruh, Tebuka Indu enggau Tetutup Betong.
Mensia mayuh ke deka nemu penerang silik sereta berita pemadu baru pasal pekit ulih meda ba Facebook Krian MTB Jamboree.-TVS
