KUALA LUMPUR, 25 Mac: Perintah deka meri ungkup penyampau lebih RM206.78 juta dikena mutarka isu 600 iti tiang telekomunikasyen ke nadai piring di Sarawak.
Menteri Komunikasyen, Fahmi Fadzil madahka ungkup tu disediaka nengah kerejasama Opis Komunikasyen enggau Multimedia Malaysia (SKMM), Menteri Pekara Wang enggau serikat telekomunikasyen.
“Pekara tu ngambika tiang telekomunikasyen didirika Kaunsil Multimedia Sarawak (SMA) ulih diguna manah rayat.
“Ari 600 tiang telekomunikasyen, 169 tiang Smart600 udah nyendiaka servis 4G naka 22 Mac lalu tu siti pengerembai ke manah laban sebedau tu tiang tu enda diguna”, ku iya dalam aum media ba Diwan Rayat, sehari tu.
Nangkan ke nya pekara tu deka diputarka nguna solusyen jenis hibrid nengah kerejasama ari 3 raban ke bekaul.
Sebedau tu dalam sesyen saut tanya ba Diwan Rayat, Fahmi madahka isu tiang kusung suah diparit enggau isu ke bekaul enggau kunterik.
Naka diatu bisi sekeda tiang ke udah didirika tang mayuh agi benung ba renggat diatur lalu tu ngaul isu sempekat kunterik entara serikat telekomunikasyen enggau raban ke nyendiaka tiang nya,” ku iya lebuh nyaut tanya tambah ari Kaban Parlimen Selangau, Edwin Banta senentang tiang telekomunikasyen kusung di Selangau.
Kelimpah ari nya, Fahmi mega madahka perintah diatu benung beratika sekeda teknologi baru dikena mantu mutarka isu internet di Malaysia baka Low Earth Orbit (LEO) baka Starlink ke diatu benung ba renggat tempa tukuh, ‘Fixed Wireless Broadband’ enggau ‘Direct to Device’.
“Tu chukup nemban laban kitai enda ibuh bepanggai ba tiang dikena mancharka bungkur internet tang kitai mega ulih nguna telefon dikena bekomunikasyen terus enggau satelit.
“Tu teknologi baru ke dipelaba deka diatur ba taun 2025,” ku iya madah. – TVS
“Ini teknologi baharu yang miungkin akan dilaksana sekitar 2025,” katanya lagi. -TVS
