ARAPKA juluk ati nguji siti pengawa baru dalam taun tu mujur nyadi nyata, ku Rosiana Urai.
Siku penanyi lama lagu Iban enggau Kayan nya beterus terang madah diri nadai kakang ati nyanggup siti agi kangau bidang seni kreatif iya nya belakun.
Kenu ku Urai umur nadai pulai ke penanggul iya ngemansangka diri dalam bidang belakun seagi diberi Petara pengerai.
Iya madah diri deka dikangau belakun dalam sebuah drama TV lalu deka pengawa nya deka berengkah bulan April tu ila.
“Dipelaba aku deka nguji mimit dalam bidang belakun ba bulan April tu.
“Aku nguji pekara baru ulih ke enda laban aku bedau kala nguji deka belakun ba TV.
“Bisi nerima belakun enggau ngarap semua nya mujur enggau aku ulih mupuk ngemujurka pengawa tu dalam bulan April tu ila,” ku iya maya dirandau pengari TV Saratok apin lama.
Tang taja pia ku iya, bidang belagu sigi enda ditinggal sereta deka terus dikemeranka iya laban bidang nya endang dikerindu kenyau ari mit.
Nangkan ke nya iya madah diri lantang ati enggau jereki ke semampai enda putus dalam bidang nya.
Urai ke mega asal ari Kampung Long Miri di Baram berengkah nyadi penanyi kenyau ari taun 1989 lalu enda lama agi deka ngemansutka sebuah lagu baru diberi nama ‘Nadai Agi Pengerindu’.-TVS