SARATOK, 10 Mac: Bisi 25 iku raban ke berejister dalam sistem e-kasih di bagi menua Betong udah dirintai dalam program munaska penyerantai di Betong.
Sapit Menteri Pemansang Indu, Anak Mit enggau Pengelantang Komuniti Datuk Mohd Razi Sitam madah semua sida nya nyengkaum raban pekebun mit lalu sida bela deka dikangau ngulu siti program randau ti deka diatur enda lama agi.
“Aku udah berandau enggau bala pegawai dibaru Recoda pasal program munaska peyeranta di bagi menua Betong.
“Bisi 35 iku udah dipilih masuk program munaska penyeranta lalu deka dikangau ungkup program randau,” ku iya pengudah ngulu sebengkah aum ke diatur di Kuching, empai lama.
Razi ke mega Kaban Kunsil Nengeri Saribas madah sida ke bekaul nya ila deka nerima bantu ari segi kereban enggau bidang ke digaga.
Program munaska penyeranta nya betuju dikena mantu raban ke balat seranta dikena ngubah tikas pengidup ngambika bulih penatai pemisi ke lebih manah.-TVS