SARATOK, 19 Jan: Semua Projek Transformasyen Menua Pesisir (RTP) ungkup taun 2024 ke deka dipejalaika ba sitak Kunsil Nengeri (DUN) Krian agi dalam proses perati raban ejensi pengereja pengawa.
Kaban Kunsil Nengeri (ADUN) Krian, Friday Belik madah semua projek nya udah ditusun nitihka peminta bala tuai rumah di DUN nya.
“Kitai udah ngagihka (tusun penerima) ngagai sekeda rumah panjai nitihka peminta bala tuai rumah.
“Tebal agi peminta sida tu mayuh ngaul pengawa ngemanah rumah panjai nyengkaum ngaga parit enggau nangkir atap,” ku iya.
Iya madah munyi nya pengudah bejadika pengawa nutup Pekit Lumba Ninting Taun diatur Sekula Primari Ulu Sebetan ba Kompleks Lumba Saratok, kemari.
Bisi 31 buah projek RTP diperambu deka digaga ba sitak DUN Krian ungkup taun 2024.-TVS
