SRI AMAN, 1 Okt: Opis Menteri Pelajar, Inovasyen enggau Pemansang Bakat Sarawak udah dipinta berengkah mansik atur nyendiaka pelajar pechuma ngagai anak sarawak ba renggat Palan Pelajar Tinggi (IPT).
Premier Sarawak, Datuk Patinggi Tan Sri Abang Johari Tun Openg madah, iya udah ngasuh menteri ke bekuasa lengkas bejalaika pansik dikena ngelala pengulih Sarawak dalam nyendiaka pekara nya ungkup timpuh beberapa taun ke deka datai.
“Ba renggat pemungkal Menteri Pelajar, Inovasyen enggau Pemansang Bakat Sarawak, Datuk Roland Sagah Wee Inn enggau Sapit Menteri Pelajar, Inovasyen enggau Pemansang Bakat I, Dr. Annuar Rapaee deka beratika pelajar pechuma ba renggat universiti ngagai rayat Sarawak ti deka nampung pelajar ba universiti diempu Sarawak,” ku iya.
Abang Johari mansutka pekara nya maya Pengerami Nutup Pesta Benak Sri Aman 2023.
Lebuh nerang silik, Abang Johari andal, pengawa meri pelajar pechuma nya ulih dipejalaika taun 2026 laban penatai pemisi sarawak majak manah.
“Bepelasarka datai ke diulih, kitai deka meri pelajar tertiari pechuma maya 2026.
“Aku andal nya ulih dipejalaika pengudah beratika pengulih ekonomi kitai (Sarawak) maya 2026 ila,” ku iya.
Berebak enggau nya, iya mega andal penatai pemisi Sarawak ungkup taun tu deka nambah lebih RM12 bilion.-TVS
