KUCHING, 23 Mei: Perintah ba renggat perintah besai tauka nengeri seruran ngatur bemacham program pemansang dikena mantu raban orang dagang di menua tu.
Sapit Menteri ba Opis Premier Sarawak (Undang-Undang, MA63 enggau Kaul Sarawak-Perintah Besai) Datuk Sharifah Hasidah Sayeed Aman Ghazali, madah peluang manah nya patut direbut mensia mayuh lebih agi orang indu ti mekuhka pengawa dagang
Ku iya, raban orang indu diperansang ngaul diri ba pengawa dagang lalu bemalinka raban raban orang indu ke udah mujur ba pengawa dagang nyadika peransang pengidup.
“Aku andal perintah diatu sekalika nya ari perintah besai enggau perintah nengeri endang mayuh agensi-agensi perintah ke mantu nengah bemacham program dikena mantu orang dagang.
“Sekalika nya, Opis Menteri Indu, Opis Menteri Pengawa Dagang, amat mayuh. Tambah mega diatu raban bank mega bisi meri jali enggau bantu belanja dikena mantu bala pedagang,” ku iya maya bejadika Mira Cake House Premium Outlet Metrocity, ditu kemari.
Nangkan ke nya, Hasidah mega minta pedagang bekerejasama enggau raban Centexs dalam ngerembaika agi dagang sida.
“Tau gaga kerejasama. Aku enda nemu, sekali ke nya enggau Centexs kini, laban Centexs bisi ngaga ‘patisserie’ ba pampang Lundu.
“Tau bekerejasama dikena ngerembaika agi dagang kuih tu. Ambika chunto, ngaga dagang matih orang kini? Nya ulih dikerembaika kita,” ku iya. -TVS
