KUCHING, 17 April: Pengarap kristian diatu udah ulih ngintu Hari Easter di gerija berindik ari menua ngalih ngagai renggat endemik.
Taja pia, bagi Gerija St Luke Di Sri Aman, pengawa ngintu Hari Easter tetap dipejalai enggau nitihka Standard Atur Pengawa (SOP) ke udah ditetapka.
Ku Vicar, Venerable Archdeacon Jackson Jarau madah, taja pemesai gerija ulih nangkup penyampau tubuh semak 800 iku orang, tang ketegal beratika SOP ditetapka ngagai 400 iku aja datai ke gerija sekali servis.
Ku iya madah, Hari Easter iya nya hari ti pemadu besai dalam pengarap Kristian.
Berebak enggau nya, iya meransang raban pengarap kristian begepai teguh ba pengarap sida.
“Aku besampi ngarapka kitai orang kristian tetap tegap ba pengarap kitai,” ku iya.
Iya mansutka jaku nya rambau ngintu Hari Easter di Gerija St Luke, pagi Hari Minggu.
Nangkanka nya , Reverend Rodriquez Unak ngarap raban pengarap kristian talukka jaku tuhan ngambika nya ulih nyadika pengering runding tan napi penguji.
Taja pan Hari Easter taun tu enda baka selama tang sambut ari bala mayuh chukup manah.
Kira-kira 1108 iku raban kristian datai ke gerija ngintu Hari Easter ti diatur sepengelama dua hari ari 16 enggau 17 Mei ti dibagi dalam tiga kali servis.
