KUCHING, 24 Dis : Bisi empat kes positif COVID-19 B. 1.1.1.529 tauka lebih dikelala mensia mayuh varian Omicron dirikodka di Sarawak.
Ku Kaban Raban Penyanding Penemu COVID-19 Sarawak (SCOVAG) Prof. Dr David Pereira madah, dua kes nya diripotka di pelilih Bintulu ti ngaul siku lelaki peranak menua tu ke beumur 52 taun ti baru pulai ari menua Nigeria.
Iya bejalaika peresa pengerai lalu ditemu positif kena 19 Disember 2021 apin lama ti udah.
Pia mega, bisi dua kes agi diripotka di pelilih Kuching ti ngaul siku indu ke beumur 25 taun ti baru pulai ari menua United Kingdom.
Indu nya bejalaika peresa pengerai 22 Disember 2021 lalu siku indu nadai ngerikodka sebarang rikod pejalai ari endur bukai.
Prof Dr David ke mega Direktor Institut Pengerai Enggau Perubat Komuniti (IHCM) UNIMAS ngelalau mensia mayuh seruran bejejaga enggau ngasika Standard Atur Pengawa (SOP) maya musin pengerami Krismas tu dikena nyeliahka pengelekai varian Omicron di Sarawak.
Entudika nya, iya ngelalau rayat di Sarawak ngambi dos penyungkak dikena nyungkak tikas pengerai tubuh sida ngelaban penyakit COVID-19.
