KUALA LUMPUR, 20 Nov: 95.6 peratus tauka 22,379,626 iku rayat besai tuai di menua tu udah nerima dua dos vaksin COVID-19, naka pukul 11.59 malam tadi.
Bepelasarka data ari Opis Menteri Pengerai (KKM) nengah laman COVIDNOW, 97.8 peratus tauka 22,906,258 iku rayat besai tuai udah nerima satu dos vaksin.
Berebak ari nya, 87.4 peratus tauka 2,751,092 iku nembiak ke beumur 12 nyentuk ke 17 taun udah nerima satu dos enggau 82.1 peratus tauka 2,584,612 iku nembiak udah nerima dua dos vaksin.
Nangkan ke nya, 105,103 dos tuchuk vaksin udah diberi naka kemari ti ngaul 16,848 dua dos tuchuk vaksin.
6,549 nerima satu dos enggau 81,706 udah nerima tuchuk dos penyungkak ti nyadika penyampau kumulatif vaksin ke udah diberi ba dalam Program Betuchuk Vaksin COVID-19 Menua (PICK) diatu udah manggai 51,842,386.
Penyampau kumulatif dos penyungkak ke udah diberi naka ke diatu iya nya 1,407,762.
