SARIKEI: Siku Apai bakal ba baruh bau kiba dipelabaka diachuk anak lelaki iya ngena pisu.
Tuai Polis Pelilih Sarikei Superintenden Awang Arfian Awang Bujang madahka, penusah nya nyadi urung pukul 10.19 malam, hari Lima ba sebuah rumah, sitak Selalang.
“Maya penusah nya nyadi, tudah ti beumur 53 taun belaya enggau saspek ke beumur 21 taun.
“Lalu saspek ngachuk tudah ngena pisu” ku iya madah lebuh dirandau pengarang berita sehari tu tadi.
Ku iya madah agi, raban polis bisi nerima siti ripot bekaul enggau penusah nya.
“Bepelasarka ripot nya, saspek udah ditan sepengelama 4 hari lalu kes ditasat ba baruh Seksyen 324 Kanun Keseksaan, “ku iya madah agi.
Titihka TVS ba Telegram, Facebook, Twitter, Instagram, TikTok enggau YouTube.
