MUKAH: Sekeda Kaban Parlimen ari Sarawak ke dichiri nyadi menteri penuh enggau sapit menteri ba renggat perintah besai mandangka anak Sarawak endang ngembuan pengelandik sereta penelaba ke patut dipebasa.
Tebal agi, ba pengawa pengatur menua tu ke diatu agi napi penanggul ketegal COVID-19.
Kepala Menteri Datuk Patinggi Abang Johari Tun Openg beterima kasih laban udah nyiri sekeda Kaban Parlimen ari Sarawak ba dalam rintai Kabinet perintah besai.
Iya nyemetak madahka, pekara ti mesti dikemeratka maya diatu iya nya perintah ke tegap ngambika ulih mutarka pengekai igi penyakit COVID-19 di serata Malaysia.
âAmbika chunto, nengeri Sarawak diatu udah nyapai 86 peratus rayat udah nerima dua dos vaksin COVID-19.
âTaja pan agi bisi ngerikodka kes ke tinggi, tang nya semina ngaul kes kategori satu enggau dua sereta kes pemati ke kurang,â ku iya madah lebuh dirandau pengarang berita TVS, maya hari Enam.
Bisi lapan iku Kaban Parlimen ari Gabungan Parti Sarawak (GPS) dichiri dalam rintai Kabinet ti dituaika Menteri Besai Datuk Seri Ismail Sabri Yaakob.
Berebak ari nya, empat iku ari sida nyadi menteri penuh seraya empat iku agi nyadi sapit menteri.
Titihka TVS ba Telegram, Facebook, Twitter, Instagram, TikTok enggau YouTube.
