Indu asal ari Betong champion Pekit Kumang Gawai Dayak 2021 Piala Yang Berhormat Datu Dr Penguang Manggil ti diatur kena 6 haribulan enam 2021.
Pemutus nya dipadahka nengah laman facebook iya kena hari minggu nyin tadi.
Program ke diatur Komiti Raban Nembiak Parti Demokratik Progresif (Pdp) Sitak N.76 Marudi mandangka Evallynn Priscilla Mau diangkat bulih gelar Kumang Gawai Dayak 2021 ti ngujungka iya mai pulai mata duit RM 1500 besereta trofi enggau sash.
Iya ke beumur 19 taun mega bulih gelar Kumang Diva sereta anugerah Ngepan Pemadu Manah.
Siku indu ari bintulu ke beumur 19 taun mai pulai perais RM1000, trofi enggau sash iya nya Enya Anak Mbai ti mega champion Kumang Popular sereta anugerah Pemajik.
Camelia Icha, ari bintulu ti beumur 19 taun menang ba penuduk ketiga mai pulai perais RM700, trofi enggau cash sereta iya mega bulih gelar anugerah Solekan Terbaik.
Datu Dr Penguang Manggil mega ngenataika pengaga ati iya ngagai semua sida ke udah enggau bepekit sereta udah mantaika pengelandik sida.
Nangkanka nya, Tuai Pengatur Program Martin Danial, meri besai terima kasih ngagai Yb Datu Dr Penguang Manggil ti udah nyadi spunsa pekit tu mega dituju ngagai bala pesereta, bala juri, emcee serta sida ke bekaul dalam program tu.
“Ngarika kami semua, aku minta ampun ngagai bala maiuh nyema bisi pengurang ba pekit ke sekali tu. Semua pemanah, pemujur, penauk sigi ari Petara.”
Ngarapka nembiak rebak baru terus ngangkatka adat enggau budaya kitai lalu pandangka ba mata dunya.//
