Taun tu PETRONAS mujur ngaga iklan Hari Gawai Dayak 2021 lalu deka dibantaika ba televisyen enggau Youtube. Ba iklan tu bisi mandangka pasal adat asal bansa Dayak ke ditusui nengah chara baru iya nya animasyen.
Ku penengkebang cherita iklan Gawai Petronas 2021, Maclean Anak Patrick Sibat, menua Sarawak diuan mayuh pupu raban bansa. Ku iya madah, nengah iklan tu ulih ngangkatka agi reti Hari Gawai enggau barang perengka Iban.
Orang ke dalam cherita animasyen tu nyengkaum siku Detektif Gerunung, Aki Terabai, Tichak, Lampu Mija, Marik, Rantai ke Besai Tuai Gawai, Antin enggau Ini.
Nitihka jalai cherita, Detektif Gerunung mesti betuaika sida ngiga bagi sapa ti ngerusak marik tuan sida maya malam Hari Gawai.
Ketegal enda ulih nyidi, Detektif Gerunung mai bala kaban iya betemu enggau Aki Terabai, sapa ke ulih madah ngerusak marik nya.
Pekara nya ngujungka detektif gerunung ngasai besalah, Aki Terabai meri lalau ngagai sida ke alai sida agi bisi awak sebedau gawai mutarka penanggul nya nyentuk ke Detektif Gerunung enggau kaban iya begelumu nyeruri marik nya.
